ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅଞ୍ଚଳରୁ ୧୧ ଜଣ ବୋଲବମ ଭକ୍ତ ଏକ ବୋଲେରୋ ଗାଡ଼ିରେ ଶୁକ୍ରବାର ରାତି ପ୍ରାୟ ୧୧ଟା ସମୟରେ ବଲାଙ୍ଗୀର ସ୍ଥିତ ଗୁପ୍ତେଶ୍ଵର ଶିବ ମନ୍ଦିର କୁ ଦର୍ଶନ କରିବା ପାଇଁ ବାହାରିଥିଲେ। କିନ୍ତୁ ବାଙ୍ଗିରିପୋସି ସ୍ଥିତ ଦ୍ୱାରଶୁଣି ଘାଟିର ପ୍ରଥମ ମୋଡ଼ରେ ବିପରୀତ ଦିଗରୁ ଆସୁଥିବା ହଜାରିବାଗ ଅଞ୍ଚଳର ଏକ ୧୨ ଚକିଆ ଟ୍ରକ ସହ ସେମାନଙ୍କ ବୋଲେରୋ ଗାଡି ମୁହାଁମୁହିଁ ଧକ୍କା ହେବା ଫଳରେ ଘଟଣା ସ୍ଥଳରେ ବୋଲେରୋ ଗାଡିର ଚାଳକ ସହ ଅନ୍ୟ ଜଣଙ୍କର ମୃତ୍ୟୁ ହୋଇଥିଲା । ସେମାନେ ହେଲେ ରଞ୍ଜିତ କୁମାର ରାମ ଓ ଶିବ ଶଙ୍କର ସାହୁ। ବୋଲେରୋ ମଧ୍ୟରେ ଥିବା ଅନ୍ୟ ୯ ଜଣ ଭକ୍ତ ଆହତ ହୋଇଥିଲେ । ଆହତମାନଙ୍କ ମଧ୍ୟରୁ ଦେବାଶିଷ ରଣା , ଅମରେଶ ଗିରି , ବିଜେନ୍ଦ୍ର ସାହୁ , ରାଧାଗୋବିନ୍ଦ ମହାନ୍ତ , ଅନ୍ତର୍ଯ୍ୟାମୀ ବେହେରା , ଅଭିଜିତ ସାହୁ , ସ୍ୱରୂପ ମହାନ୍ତି ଓ ଗୋପୀନାଥ ସାହୁଙ୍କୁ ତୁରନ୍ତ ଚିକିତ୍ସା ଯୋଗାଇଦେବା ନିମନ୍ତେ ବାରିପଦା ପଣ୍ଡିତ ରଘୁନାଥ ମୁର୍ମୁ ସରକାରୀ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଗୋପୀନାଥ ସାହୁଙ୍କ ଅବସ୍ଥା ସଙ୍କଟାପନ୍ନ ରହିଥିବାରୁ ଚିକିତ୍ସା କରୁଥିବା ଡାକ୍ତର କଟକ ମେଡିକାଲ କଲେଜ ହସ୍ପିଟାଲକୁ ସ୍ଥାନାନ୍ତର କରାଇଦେଇଥିବା ବେଳେ କ୍ରିଷ୍ଣା ଦତ୍ତଙ୍କୁ ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଥିବାର ଜଣାପଡିଛି ।
