ଗତ ସନ୍ଧ୍ୟାରେ ଅନୁଗୁଳ ଥାନା ଆଇଆଇସି ବିଶ୍ୱସ୍ତ ସ୍ୱତ୍ରରୁ ଖବର ପାଇଲେ କି ତିନିଜଣ ଲୋକ ଏକ ସ୍ୱିଫ୍ଟ ଡିଯାଇର କାର ଯାହାର ନମ୍ବର ଓଡ଼ି-୦୨-ଏକ୍ସ-୫୪୭୩ ରେ ବ୍ରାଉନ ସୁଗାର ନେଇ ଯାଉଛନ୍ତି।ଖବର ଆଧାରରେ ଏକ ପୋଲିସ ଦଳ କଥିତ କାର କୁ ଯାଇ ଅଟକାଇ ତଲାସୀ ନେଇଥିଲେ ଓ ଚବିଶ ଗ୍ରାମ ବ୍ରାଉନ ସୁଗାର ସହିତ ଗାଡିକୁ ଜବତ କରିଥିଲେ।ଗାଡ଼ିରେ ଥିବା ତିନି ଜଣ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଛି।ସେମାନେ ହେଲେ ଅନୁଗୁଳ ଥାନା ଅନ୍ତର୍ଗତ କୁକୁଡାଙ୍ଗ ଗ୍ରାମର ସୁଜ୍ଞାନୀ ଦେହୁରୀ, ତାପସ ନାୟକ ଏବଂ ସୁବ୍ରତ ବାରିକ। ଏ ସମ୍ପର୍କରେ ଏନ୍ ଡି ପି ଏସ ଆକ୍ଟରେ ଏକ ମାମଲା ରୁଜୁ କରାଯାଇ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।ଅନୁଗୁଳ ପୋଲିସ ଆଉ କିଏ କିଏ ସମ୍ପୃକ୍ତ ଅଛନ୍ତି ସେ ବିଷୟରେ ଜାଣିବା ପାଇଁ ଅଧିକ ତଦନ୍ତ ଜାରି ରଖିଛନ୍ତି।
