ବିଜେପି ଜାତୀୟ ଉପସଭାପତି ଦିଲୀପ ଘୋଷ ତୃଣମୂଳ କଂଗ୍ରେସ (ଟିଏମ୍ସି) ନେତା ସୌଗତ ରାୟଙ୍କ ବିରୋଧରେ ଦେଇଥିବା ମନ୍ତବ୍ୟକୁ ନେଇ ବିବାଦ ସୃଷ୍ଟି ହୋଇଛି। ଘୋଷ କହିଛନ୍ତି ଯେ ରାୟଙ୍କୁ ଜୋତା ମାଡ଼ ଦରକାର ଏବଂ ଏଭଳି ହେଲେ ହିଁ ସେ ସୁଧୁରିବେ। ଘୋଷଙ୍କ ଏଭଳି ମନ୍ତବ୍ୟକୁ ନେଇ ରାୟ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ସେ କହିଛନ୍ତି ବିଜେପି ନେତାଙ୍କ ନିକଟରେ ‘ଆନୁଷ୍ଠାନିକ ଶିକ୍ଷା’ର ଅଭାବ ରହିଛି। ବିଭିନ୍ନ ମାମଲାରେ ଟିଏମ୍ସିର ଦୁଇ ନେତା ପାର୍ଥ ଚାଟାର୍ଜୀ ଏବଂ ଅନୁବ୍ରତ ମଣ୍ଡଳଙ୍କୁ ଗିରଫ କରାଯିବା ପରେ ବିରୋଧୀ ଦଳମାନେ ଟିଏମ୍ସିକୁ ଅପମାନିତ କରିବା ଅନ୍ୟାୟ ବୋଲି ରାୟ କହିଛନ୍ତି। ଟିଏମ୍ସିର ଦୁଇ ବରିଷ୍ଠ ନେତା ପାର୍ଥ ଚାଟାର୍ଜୀ ଏବଂ ଅନୁବ୍ରତ ମଣ୍ଡଳ ଜେଲ୍ରେ ଥିବାରୁ ଟିଏମ୍ସି ନେତାମାନେ ଭୟଭୀତ ହୋଇ ପଡ଼ିଛନ୍ତି ବୋଲି ଘୋଷ ଦାବି କରିଛନ୍ତି। ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ପାର୍ଥଙ୍କୁ ଇଡି ଗିରଫ କରିଥିବାବେଳେ ଗୋରୁ ଚୋରା ଚାଲାଣ ମାମଲାରେ ସହଯୋଗ କରିଥିବାରୁ ମଣ୍ଡଳଙ୍କୁ ସିବିଆଇ ଗିରଫ କରିଛି।
