ଓଡ଼ିଶାର ରସଗୋଲାକୁ ଜିଓଗ୍ରାଫିକ ଇଣ୍ଡିକେସନ ବା ଜିଆଇ ମାନ୍ୟତା ମିଳିଛି ଯାହା ରାଜ୍ୟ ପାଇଁ ଗର୍ଵ ଓ ଗୌରବ ର ବିଷୟ।ଏହି ମାନ୍ୟତା ର ସୂଚନା ଏକ ବିଜ୍ଞପ୍ତି ଦ୍ୱାରା ଭାରତ ସରକାରଙ୍କ ଚେନ୍ନାଇ ସ୍ଥିତ ଜିଆଇ ରେଜିଷ୍ଟ୍ରାର ଜଣାଇ ଅଛନ୍ତି।ଏହାସହ ରସଗୋଲା ବିବାଦରେ ପଶ୍ଚିମବଙ୍ଗ ସହ ଲଢେ଼ଇ ରେ ଓଡ଼ିଶାର ବିଜୟ ହେଇଛି।ଏହି ମାନ୍ୟତା ଦ୍ଵାରା ବିଦେଶକୁ ରସଗୋଲା ରପ୍ତାନୀ କରିବାର ପଥ ସହଜ ଓ ସୁଗମ ହେବ ଯାହା ଏହି ବ୍ୟବସାୟ ସହ ଜଡ଼ିତ ବ୍ୟବସାୟୀ ମାନଙ୍କ ଅର୍ଥନୈତିକ ଅଭିବୃଦ୍ଧି ରେ ସହାୟକ ହେବ। ସୂଚନାଯୋଗ୍ୟ ଯେ ଓଡ଼ିଶା ଖୁଦ୍ରଶିଳ୍ପ ନିଗମ ଓ ଉତ୍କଳ ମିଷ୍ଟାନ୍ନ ବ୍ୟବସାୟୀ ସମିତି ପକ୍ଷରୁ ଓଡ଼ିଶା ରସଗୋଲାର ଜିଆଇ ମାନ୍ୟତା ଲାଗି ଆବେଦନ କରା ଯାଇଥିଲା।ରସଗୋଲା ଉତ୍ପତିର ଇତିହାସ ଓଡ଼ିଶାରେ ବହୁ ପ୍ରାଚୀନ ଓ ପୁରାତନ।ଶ୍ରୀ ଜଗନ୍ନାଥ ମହାପ୍ରଭୁଙ୍କ ନୀଳାଦ୍ରି ବିଜେ ସମୟରେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ତରଫରୁ ଦେବି ଲଷ୍ମୀଙ୍କୁ ରସଗୋଲା ଦେଇ ତାଙ୍କର ମାନ ଭଞ୍ଜନ କରିବାର ପ୍ରଥା ରହିଛି।ଶ୍ରୀ ମନ୍ଦିର ସ୍ଵତ୍ଵଲିପି ଅନୁଯାୟୀ ଭିତରଚ୍ଛ ସେବକ ଏହି ସେବା ମନ୍ଦିର ରେ କରିଥାନ୍ତି।
